MEF News and Events 
Not Available!
Not Available!
Not Available!
Not Available!
Not Available!
Not Available!
Not Available!
Not Available!
Not Available!
Not Available!
Not Available!
Not Available!
Not Available!
ផែនការអភិវឌ្ឍ និងកម្មវិធីវិនិយោគ៣ឆ្នាំរំកិលខេត្ត
ប៉ៃលិន៖ នាព្រឹកថ្ងៃពុធ ៣ កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២២ ខែកុម្ភៈ ឆ្នាំ២០២៣ មន្ទីរសេដ្ឋកិច្ចនិងហិរញ្ញវត្ថុខេត្តប៉ៃលិនបានចូលរួមកិច្ចប្រជ៉ុំត្រួតពិនិត្យប្រចាំឆ្នាំ២០២២ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ បូក២ (PFM-TWG) តាមរយៈប្រព័ន្ធ Video Conference (ZOOM)។
លោក ឈឹម ហុងស្រ៊ន និងលោកស្រី កែវ ស្រីរ័ត្ន អនុប្រធានមន្ទីរសេដ្ឋកិច្ចនិងហិរញ្ញវត្ថុខេត្តប៉ៃលិន ព្រមទាំងលោកអនុប្រធានការិយាល័យរដ្ឋបាល បានចូលរួមកិច្ចប្រជុំត្រួតពិនិត្យប្រចាំឆ្នាំ២០២២ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ បូក២ (PFM-TWG) ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ថ្រី រដ្ឋមន្ដ្រីក្រសួងសេដ្ឋកិច្ចនិងហិរញ្ញវត្ថុ តាមរយៈប្រព័ន្ធ Video Conference (ZOOM)។ កិច្ចប្រជុំនេះផ្តោតសំខាន់ទៅលើ ចំណុចសំខាន់ ធំៗ២ គឺវឌ្ឍនភាពប្រចាំឆ្នាំ២០២២ នៃការអនុវត្តផែនការសកម្មភាពរួម និងការឆ្លុះបញ្ជាំងអំពីបច្ច័យលើប្រព័ន្ធគ្រប់គ្រងហិរញ្ញវត្ថុសាធារណៈ។
ប៉ៃលិន៖ នៅព្រឹកថ្ងៃអង្គារ ៣ កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៤ ខែមករា ឆ្នាំ២០២៣ មន្ទីរសេដ្ឋកិច្ចនិងហិរញ្ញវត្ថុខេត្តប៉ៃលិន បានរៀបចំកិច្ចប្រជុំផ្សព្វផ្សាយសារាចរណែនាំលេខ ០១៣ សហវ ស្តីពីការអនុវត្តច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២៣ ជូនដល់មន្ទីរជំនាញជុំវិញខេត្ត។
ដែលកិច្ចប្រជុំនេះបានធ្វើឡើងក្រោមអធិបតីភាព ឯកឧត្តម គោ ស៊ុំ ប៊ុនសឿត អភិបាលរង តំណាងដ៏ខ្ពង់ខ្ពស់របស់ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន, លោក ប៉ូច សាអែម ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត, លោក ណេង ករុណា ប្រធានរតនាគារខេត្ត,លោក វង់ រ៉េបេណា ប្រតិភូតំណាងអគ្គនាយកដ្ឋានថវិកា នៃក្រសួងសេដ្ឋកិច្ចនិងហិរញ្ញវត្ថុ និងមានការចូលរួមពី លោក លោកស្រីប្រធានមន្ទីរ និងរដ្ឋបាលគណនេយ្យករតាមមន្ទីរអង្គភាពជុំវិញខេត្តជាច្រើននាក់ទៀត។
លោក វង់ រ៉េបេណា ប្រតិភូតំណាងអគ្គនាយកដ្ឋានថវិកា នៃក្រសួងសេដ្ឋកិច្ចនិងហិរញ្ញវត្ថុ បានអានសារាចរណែនាំលេខ ០១៣ រួចមក។ លោក ប៉ូច សាអែម បានថ្លែងថាគ្រប់អង្គភាពត្រូវគិតគូរឲ្យបានច្បាស់លាស់នៅការរៀបចំផ្នែកចំណូល-ចំណាយរបស់មន្ទីរអង្គភាពអោយបានជាក់លាក់ ត្រឹមត្រូវ ទាន់ពេលវេលា និងស្របតាមតម្រូវការជាក់ស្តែង ដំណើរការអនុវត្តការងារថវិកាស្របតម្រូវការសម្មតិកម្មរបស់ខ្លួន លោកប្រធានមន្ទីរបានបន្តថា សារាចរណែនាំនេះពិតជាមានសារៈសំខាន់ណាស់សម្រាប់គ្រប់អង្គភាពត្រូវអនុវត្តប្រកបដោយប្រសិទ្ធភាព និងជាយុទ្ធសាស្រ្តសម្រាប់ការរៀបចំផែនការយុទ្ធសាស្រ្តថវិកាក៏ត្រូវរំលេចផងដែរអំពីវិធានការគោលនយោបាយសំខាន់ៗដែលក្រសួងស្ថាប័នបានដាក់ចេញឲ្យស្របតាមទិសដៅនៃយុទ្ធសាស្រ្តចតុកោណដំណាក់កាលទី៤ និងក៏ត្រូវយកចិត្តទុកដាក់ក្នុងការអនុវត្តចំណូល-ចំណាយថវិកាឆ្នាំ២០២៣ នេះអោយបានល្អប្រសើរ។
ឯកឧត្តម គោស៊ុំ ប៊ុនសឿត អភិបាលរងខេត្ត បានផ្តាំផ្ញើរអោយមន្ទីរអង្គភាពជុំវិញខេត្ត ត្រូវយកចិត្តទុកដាក់ស្តាប់ និងអនុវត្តតាមការបង្ហាញរបស់តំណាងប្រតិភូអគ្គនាយកដ្ឋានថវិកានៃក្រសួងសេដ្ឋកិច្ចនិងហិរញ្ញវត្ថុ ដើម្បីអនុត្តថវិកាឆ្នាំ២០២៣ ឲ្យបានត្រឹមត្រូវ និងទាន់ពេលវេលាផងដែរ។
ប៉ៃលិន៖ នារសៀលថ្ងៃពុធ ១២ រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនិងថ្ងៃទី ១៨ ខែ មករា ឆ្នាំ២០២៣ មន្ទីរសេដ្ឋកិច្ចនិងហិរញ្ញវត្ថុខេត្តប៉ៃលិន បានរៀបចំកិច្ចប្រជុំផ្សព្វផ្សាយសារាចរណែនាំលេខ: ០១៤ សហវ ស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ របស់រដ្ឋបាលថ្នាក់ក្រោមជាតិ។ កិច្ចប្រជុំនេះទទួលបានការអញ្ជើញចូលរួមជាអធិបតី ឯកឧត្តម គោស៊ុំ ប៊ុនសឿត អភិបាលរងខេត្ត តំណងដ៏ខ្ពង់ខ្ពស់របស់លោកជំទាវបណ្ឌិតអភិបាលខេត្តប៉ៃលិន ព្រមទាំងលោក ប៉ូច សាអែម ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត, លោក ណេង ករុណា ប្រធានរតនាគារខេត្ត និងអង្គភាពរដ្ឋបាលថ្នាក់ក្រោមជាតិផងដែរ។ លោក ហេង យុលី មន្ត្រីការិយាល័យហិរញ្ញវត្ថុរដ្ឋបាលថ្នាក់ក្រោមជាតិ ក៏បានធ្វើបទបង្ហាញ និងពន្យល់អំពីសារាចរលេខ ០១៤ សហវ លើការធ្វើប្រតិភូកម្មថវិកា និងអាណាប័កផ្ទេរសិទ្ធការប្រគល់កាតព្វកិច្ចប្រមូលចំណូល និងការបែងចែកឥណទានចំណាយថវិការដ្ឋបាលរាជធានីខេត្ត ក្រុង ស្រុក អំពីចំណូលសារពើពន្ធ និងមិនមែនសារពើពន្ធ។ព្រមទាំងបានធ្វើការពិភាក្សាបន្ថែមអំពីបញ្ហាផ្សេងៗ ដើម្បីរកដំណោះស្រាយ។
Khmer
English
